--------------------------------------------------------------------------------
ليش الدنية حارة بالعراق؟؟؟
يجوز لان احنة عايشين بالعراق
.
.
يجوز حتة التمر يستوي بساع و مثل ما يكول ابوي التمر علاج لكل شيئ هوة يكول هيج لان كلشي ماكو غير التمر
.
.
يجوز كبل من جانوا يوزعون الاماكن عل قبائل لان من جانوا يلعبون قمار جانوا يتراهنون عل اراضي ف حمورابي فاز علة توت عنخ امون واختار هاي القطعة من الارض مع انه الكل ماجانوا يريدونها هسة تسالون ليش اخذهة؟؟؟ لان العراق حارس البوابة الشرقية للامة العربية و يقع في الجزء الجنوب غربي من قارة اسيا و في الجزء المجاور لاوربا من ناحية اسيا و في الجزء المجاور لافريقيا من ناحية مصر
علمود هاي انفرض علية انه يدافع عن الامة العربية و الاوريبية و الاسيوية و الافريقية و هذة الشي الي جان يريدة حمورابي
.
.
يجوز لان الشمس صاير فوك العراق بالضبط لان كل ما اصعد للسطح هية فوك راسي بس بغير دول الشمس مرات تعوفهم و تروح تتغدا
.
.
يجوز لان ماكو كهرباء هسة تكولون هاي شلهة علاقة انا اكوللكم مرات موجودة الكهرباء بس انا يطردوني و يكولولي نام بالسطح احسنلك ما شاء الله اني شسوي اصعد فوك انام شو من تطفا الكهرباء جوة فوك هم تصير حارة شلون ما اعرف؟؟؟
.
.
يجوز حتة يستوي الاكل بساع لان العراقيين ما يستحملون ينتظرون هواي هسة مثلا بالشتة انا اضل ساعتين كاعد اتنوع عل قوري كل هاي علمود كلاص جاي واحد فقط لا غير و اخير شي اطلع حاط ملح بالكلاص مو شكر هاي دائما تصير و اكو مرات احط شكر بمكان الجاي بالقوري المهم هاي شغلة غبائي منتهين منهة بينما هسة شكد حلو راسن اخذ ماي من البوري و اشرب جاي ماكو حاجة احطة عالنار
.
.
يجوز حتة العراقيين يبدعون مثل ما تعرفون العراقي ميبدع الة بالظروف الصعبة (هكذا يلعب المحاصرون هكذا بالعناد يغلبون) و لازم درجة حرارة 300 ميكا و ماكو كهرباء
.
.
يجوز حتة طلاب الدور الثاني ينسمطون سمط بالصيف عاااااااا ااااااااا
هم عادي شلونهم بالكهرباء حتى بلا كهرباء
هههههههههههه
الجمعة 13 يوليو 2007, 7:39 pm
