ياشباب هاذي اول مشاركة لي بموقعنا الحلو
وهسا راح اعلمك فيكات حلوة وبسيطة
1. اذا ردت تخفي ملف بالكمبيوتر ومحد يشوفا بس انت وبدون برامج تسوي الاتي
تضغط على الملف الي تريد تخفيه كلك يمين بعدين دوس كوزماتس بعدين تختار المربع الي تحت مكتوب عليه جينج ايكون راح تنفتحلك قطعة دوس اوكي وبعدين تنفتح قائمة الايقونات اكو بهاي القائمة مجموعتين من الايقونات واكو بالنص فراغ ابيض انت دوس على الفراغ الابيض ثم دوس ابلاي بعدين اوكي هسا انت خفيت الملف مالتك حتى لو سويت شو هدن فايل مراح يطلع بس بقى الاسم شلون ؟
اني اعلمك هسا الملف مالتك مخفي وانت مسميه اسم دوس كلك يمن على الاسم بعدين رينيم بعدين دوس ايلت وابقى ضاغط عليها ودوس وياها الرقم 255 بعدين دوس باي فراغ بالصفحة وهسا اختفى حتى الاسم
2. اذا ردت تسوي دكمتين لاطفاء الكمبيوتر ولاعادة التشغيل
تروح على الدسك توب تضغط كلك يمن تختار نيو بعدين اختار شوركت وبعدين دوس عليها كلك يسار راح تفتح لك صفحة اكتب الكودات الاتية
الكود الاول لعمل دكمة الشداون الكود الثاني لعمل دكمة الرستارت
shutdown -s -t 00
shutdown -r -t 00
اهم شي تضغط سبيس بمكان الفراغات
هسا انت كتب الكود الاول او الثاني
دوس نيكست راح يطلعلك اسم اذا ردت تغيرا بالعربي عادي
وبعدين فنش
راح يصير شكل الدكمة مثل شكل سيتب او اي اكس اي
جملها بالطريقة الاتية كلك يمين بعدين اختار جينج ايكون واختارلك الايقونة الي تعجبج
وبالنهاية انا اعتذر اذا ماارفقت صور ويا موضوعي لاني جديد بالمنتدى
الثلاثاء 10 يوليو 2007, 8:36 am
