اشتاك لي
المشتاك يطفي بماي عينه
ويشتعل بجروح ايديه
ويضحك بوجه الضنون بغيركلبه
ويبتشر والبيه بيه
الماي يخطف عالجروف وداع صدفه
ويعتذل هرش الي يبس ما يعتنيه
اشتاك لي
اليعثر بظله يموت صاحي
وال يعيش بلايا وعيه بغير ظل
الشوج من ينبت بسجه يبات
وابن ادم يزل
اشتاك لجروحي غلاتي
وعيبي صبري
ودفلتي السكته و وحشتي بلاياهم
وحجتي الفشله الي تطش لتراب
ما يسواش لم
وهمي دنيا انبعت بغيرك انته
وشنو معناة الجرح من غير دم
وك اشتاك لي
تخضر ضنوني بكاع صبغه
ويشبك رموشي على طرواك الجفن
وتشرك شموسي بحضن ليلك نهار
ويحضن الغايب هوى الحاضر حضن
وتطفح البسمه على بال المبتلين
الماي يضحك من تشك صدره السفن
اشتاك لي
اتعذرت يا بخت ليل المسعدين
ويا مرارة ليشنا بطرف اللسن
الكاع سلها جنازة الميت تكوم
ويندفن جنازها وما تندفن
وابرأ بيدك
واغسل ذنوبي واواكح مستحاي
واكطع بروح العطش ومروة الحلوين ماي
يضيع جروحي غواها
ويعتلك شوكي جرح وانته دواي
وما مش
والما مش بعيني جزيره ونيه وحشه
وفكر ما صافي على راي
يداهر عيوني حلمها بليله ظلمه
وكبل ما يغفه الجفن يطفى ضواي
وبيدك انا
تاخذ عيوني وتعبرها مدى لدنياك شوف
وتلهث بدمي عرج نخوه وحيا وساعات خوف
وتحتي بروحي وكاحه ونفس دافي
ودفكة مروة وعتابه وليل اوف
وانا بيدك
لو شجت لي الكيض عينك ما تلم فيض الجفوف
رباة كاع وما شبج ليل الولايه رموش عيني
ولا طفى صبيها الضوى وعيت تشوف
بيه حس الساجيروحي بزعل موحي انا اطوف
ه وليل الشموس
وبيه طعم السنبله وطيب الزلوف
اطوف دنياك بدمعها ومارضت
السبت 07 يوليو 2007, 12:33 pm
