ذكرت قي كتابي الملاحم والفتن لعبود ابو اللبن في باب كل الحيوانات تتكلم حتى الحمير هذه القصة التي اعجبتني كثبرا حيث لها مدلولات عميقة على الساحة العراقية واذا لم تعالج بحكمة فستؤدي الى حرب طائفية بين الجنس البشري وجنس النمل وتتحق نبؤة سعد خليفة (خاللللللللللللة هذا الوكت خلاني .....)والنبؤة اشهر من النار على الهشيم حيث تترد بين السنة الناس حتى في النوم مما حدى بارتفاع نسبة الطلاق ليس في العراق فقط بل حتى بين الجاليات العراقية في المهجر...... واعذر من انذر كيتو= ياقمله شوكت تروحين من شعري
القمله = والله ما اعوفك حتى لو تصير اكرع
كيتو= ولج تره والله هسه افوت اسبح
القمله = ولك لا تهدد اني جنت عانس بس هسه مزوجه تره هسه اخلف مليون قمله
كيتو = اي وشلونه رجلج مرتاح بشعري
القمله = اصلا يكول شعرك منتجع راح يصيح كرايبه الكمل
كيتو = ولج والله عندي صابون مال حصه تره افوت اغسل شعري بيه
القمله = الله ياريت اصلا صابون الحصه فيتامينات للكمل اصلا من نشوفه نكوم نهلهل هواي ونفرح ونغني عيد وحب هاي الليله الكمل كله معيد
كيتو = اكول البارحه هواي هواي كمت احك بشعري خير شكو
القمله = هههههه ليش تحرجني مو تعرف عرسان اني ورجلي جنا ههههههههههه شكد مكروه كيتو لا تحرجني مو اني استحي
كيتو = اي انتم بالعسل واني احك من القهر شلون قسمه
القمله = ان شاء الله الك وتتزوج
كيتو= ولج منو ترضى بيه مكمل شعري ومكمل بالدراسه هماتين البنات يحبون الشاب شعره سرح اصفر مثل راسم الجميلي
القمله = يمعود اني اعرف شكد من كرايبي واصدقائي من القمل ساكنين بشعر بنات
كيتو = يعني شكد اكو بنات بشعرهم قمل
القمله = اغلبهن اي اغلبهن
كيتو = ومرتاحين بشعر البنات
القمله = لا والله كل ساع ماكلين كفخه لان البنات يفيكون كل ساع محركه شعرها بيدها
كيتو = اي مو حتى شنو يجذبون الولد بشعرهم عود شوفوني شعري على المتن سارح
القمله = اي ومرات يصبغون شعرهن بنتلايت والكمل كله يطكع ويتوسخ يمعود عيشه مو زينه بشعر البنات عبالك كاعدين بالعراق
القمله = وهسه النوبه الولد يخلون مخاطين بشعرهم يسموه جل والقمل جاي يدبغ وتلعب نفسه من المخاطين الجل
كيتو = اي مو يريد يصير حلو حتى ترضه بيه العميه
القمله = اكول انا محصوره اروح اكظي حاجه وارجع
كيتو = شكو عليج انا ماكله بس على كيفج مو تغركينه هسه الناس عباله حاط دهن للشعري الي يدري يدري والمايدري يكول دهن شعر
الثلاثاء 15 مايو 2007, 8:09 pm
:D 
