ممنون لبلير الوفي.. ممنون الك مستر بوش

ممنون لبليـــــر الوفي ممنون الك مستر بوش
بسلالنه صار العنب ****** ديس العنز كمنا نحوش
نحوش بس ديس العنز******لمن ترسله سله
توه انصف ويانه الوكت ******من عكب ديج الذله
ريوكنه كاهي وعسل *****صرنه الكباب انمله
ممنون الك سيد بوش
جنه فلا ناكل سمج ****** بس ابو زريده وحرشه
واللحم بس ناتامله ******مانشتري حتى كرشه
هسه كطاطين الغده ***** وتكه شوي نتعشه
وكليجه من بعد العشه***** متروسه لوز ومبروش
ممنون الك سيد بوش
كلمن يكلك هاك اخـــذ ***** مو نقدي ابيعك بالدين
وشما ردت مني اشتري ***** واوفي على كيفك بعدين
ناكل ســــــمج ناكل لحم *****مو وكت واحد وكتين
والببسي نشرب اجنبي *****خاف العراقي مغشوش
ممنون الك سيد بوش
الحمد لله والشكر *****صارت ثخينه المركه
وكل غرفه (جبسن) يشتغل***** لا كارص ولا بكــــه
الصبح اغسل والعصـــــــر *****وبالليــــــل مثل الركه
وبشامبو اسبح صــــــــرت *****وكل ساع اطب جوه الدوش
ممنون الك سيد بوش
يارب الف شكــران الك *****والنعمه شكران تريد
كن يكن امـــرك لو ردت *****نحلم خلصنه من يزيد
لا جيش شعبي ولا قدس *****ينفخ علينه التبريد
والدش نصبته على السطح *****وذاك الصحن فوك الحوش
ممنون الك سيد بوش
_____________________
شاعر من الناصريه الفيحاء ام الكرم والحضارات والاباء

:P :P :P :P :P Laughing

:scratch: :scratch: :scratch: :scratch: :scratch: affraid

هههههههه عاشت ايدك عمي الادمن وغصبن علينة تره انكول عاشت ايدك لان انت خطر ومدير الموقع بنفس الوقت واللي يتحرش بيك يبتلى على عمره ههههههه
روح مية من مية هاي مني الك هدية :P :P :P :P

عدد الرسائل : 67 تاريخ التسجيل : 17/05/2007

مشكور اخي على مشاركتك الرائعة
تقبل مروري