يتشرف مركز النورين بنشر المزيد من كتابات علي جدوع

بسم الله الرحمن الرحيم

بداية نحيي الشاعر والاديب المسرحي علي جدوع جواد احد فناني قلعة سكر لجهده المعنوي والفكري الذي اسبغه على منتدانا الغالي ..
تحية كبرى الى علي جدوع جواد .. والى مزيد من التقدم والنجاحات ..

-== غربـــــــــــــــــــــــــة ==-

اضحك والليالي .....اصواب فوك اصواب
وجروح الزمن....تركص على حبالي
ازرع والثمر بسلال غيري يصير
وانه من المكابر...اترس سلالي
غربه وكسر ضلعي...وجدم حافي الراي
كل الناس اخوتي ...اخوتي كلهه عذالي
ملجوم ودمعتي تورد الصفاف
ضفاف النهر حزني ...والصبر جالي
لابس ثوب عيدي ...معيد ويه الناس
اساوم علفرح ...بس الفرح غالي
جنت انه الطريج ...اليحضن الضحكات
هسه من المغازل ...والعطر خالي
غيمه ....لاهي تمطر ...لاهي عني تروح
لمت كل ندمهه...وفيت كبالي
ساعه اشعل شمعتي...وساعه ناري اشموع
وساعه الشوك جمره ...وتلهب بحالي
تذب ضيمك علي...ياوكت ليش وياي
وبخنجر غدر ...دوم اتصبالي
عفت كل شي ابحياتي...وجزت من دنياي
لان نفسه الكطعني ...هوه شتالي
يا طيور السعد ...روحن بعيد هناك
من كثر الجروح ...عشكت كتالي
اغني الناي لومي ...واركص على الخوف
والدمعات حزني ..والسهر بالي
شريد بتا لي عمري ...عود اهيد الروح
ومن طعنات وكتي ...انزرف دلالي
انه نخال وتذره ...ورضع ثدي الريح
صار الشوك عمي ...والعرد خالي
كطعت كل خيط اليه ...وطرت فوك الفوك
جنحاني الوهم ...والسكته مرسالي