ناظم الغزالي .. لماذا (سحل) سليمة مراد من شعرها؟؟

ناظم الغزالي.. السفير الاول للغناء العراقي

لماذا (سحل) سليمة مراد من شعرها؟

فيْ مذكراته الفنية يقول الفنان الراحل فخري الزبيدي: ويوما كنت في داري صباحا واذا بطفل يقرع الباب قائلاً: عمي فخري يم زيج الحديقة امرية بالسيارة اتريدك.. فذهبت بعد ان ارتديت ملابسي وانا لا اعلم من هي هذه المرأة.

واذا بي ارى سليمة باشا متورمة الوجه وهي تئن قائلة: شفت فخري كاظم اشديسوي بيه.. فاجبتها خيراً.. فقالت: وهي تبكي البارحة بالليل گاعدين اني ويا اشو سكر وگام وضربني على رأسي وسحلني من شعري وطلعني للحديقة بالكفخات والچلاليق والبوكسات وشدني بحبل من ركبتي ابوري مي الخابط وخلاني بالحديقة وحدي وسد باب الحوش وآني من مستحاتي من الجيران سكتت وظليت ابهلحال الوجه الصبح.. متجي عيني فخري تحجي وياليش ديسوي بيه هيج شنو تقصيري اشو واخدمه واعزه مثل المي بالصينية.

وبعد ان هدأت توجهت معها بسيارتها الخاصة نحو دارهم بانتظار وصول ناظم.وعندما وصل قلت لها والله اليوم لا انعل سلفه سلفا.. فاجابتني بكل رجاء: عيني فخري على كيفك ويا.. بس انصحه خلي يجوز من هلمسائل غير اللائقة.. فاجبتها: اليوم راح اراوي العجب.

لحظات ودخل ناظم وعندما شاهدني رحب بي معاتبا بعدم زيارتي وفي الاقل تلفونيا. لم اجبه على عتبه وانما باشرته بقولي وبشدة: ولك متستحي تضربها وتشدها ابحبل الليل كله مو هي مريه اچبيره ابگد امك.. وما ان نطقت بالكلمة الاخيرة واذا بسليمة مراد ترد عليّ قائلة: خلفله عليك ابكد امه ليش فخري هو هذا الحچي.. فضحك ناظم وضحكت سليمة بخجل.. والتفت ناظم عليها قائلا: روحي حضري الغده ابساع.. وذهبت فقلت لناظم: ليش هيچي.. متريدهه اتركهه فاجابني وهو برتعش: والله فخري كلما اشرب وشوفهه ابهلعمر ومثل ما كلت ابكد امي اتذكر اياك شبابها تنكلب معدتي واثور على نفسي وعليهه اريد انتقم من الزمن الخلاهه تتعلق بيه وهي ابهل عمر.. فاجبته هذا هو الزمن اللي اخرك عن تحقيق حلمك بعد ان كبرت انت فنيا وسليمة كبرت عمريا هذا هو قدرك اما تقبل واما تشلع.

ناظم الغزالي ضرب سليمه مراد

لتدخلها بكل صغيرة كبيرة من أموره

تعتبر نفسها هي الرجل وهو عامل عندها

ناظم أوقفها عند حدها

حتى لاتتدخل في كل شؤنه

لكن الضرب للمرأة غير محبب