عليه وعلى اعدائي ( تنظيم القاعدة)
تيتي تيتي مثل ما رحتي جيتي (معاناة العراقيين)
ان اكرمت الكريم ملكته, وان اكرمت اللئيم تمردا (الاردن)
لا حظت برجيلها ولا خذت سيد علي (جبهة التوافق)
من تمشي تتعثر بيه .. ومن تريده ما تلكيه (الشرطة)
غراب يكول لغراب وجهك اسود (اتهامات بين اعضاء الحكومة)
لا خبر لا جفيه لا حامض حلو (جية بوش ورامسفيلد كلها مفاجئة)
يركض والعشا خباز( العراقي الشريف)
المنحوس منحوس حتى لو حطوا براسة فانوس (معاناة العراقيين مع الفيز والاقامات)
الكبير كلب .. الصغير كلب ابن كلب ( بوش الاب وبوش الابن)
جانت عايزه.. التمت.. (فوك الكونكريتات كامو يفجرون جسور وانفاق)
بيدر الذهب هميحتاج بيدر الدخن ( احنا اهل النفط ... نستورد مشتقاته ؟؟؟)
جيب ليل .. وأخذ عتابه (اذا عندك معتقل اتريد تعرف وين وليش ؟)
حضٌر المعلف .. كبل الزٌمال ( المعلف ما حظروه بس جابولنه زمايل )
حظي بكل شي اسود بس بالركي أبيض (عراقي مو بالحكومة)
حمارة القاضي .. عزيزة ( اخت صولاغ بيومين جابوها .. والبقية الهم الله)
عداوة البزون والجريدي ( امريكا صارلها شكد اتدك علينا واكو ناس يكولون تحري)
عباس المستعجل ( بصرف الفلوس والرشاوي)
ابرد من طي........ السقا (باعادة اعمار العراق)
صيف وشتا . . على فد سطح ؟ ( لا كهرباء لا بانزين لا مي صيف وشته)
الفكر فوك البعير و عضه الجلب (عراقي راح للصومال ما حصل فيزا)
ما لقوا بالورد عيب قالوا خده احمر ( الكهرباء تنتل مو زينه عليكم)
ابن خالت الخياطة اللي خيطت بدلت العروس ( حتى هذا حصل وظيفة من يم المسؤولين)
أبن الحلال بذكره (الانفجار)
إيطلّع من الحافي نعال (ابو البلدية)
اسمه بلحصاد ومنجله مكسور ( ناس اتداوم بالبيوت و يستلمون روات)
بأحبك وانت لابسني (التبريد)
أحترك الأخضر بسعر اليابس (مفخخات الاسواق تقتل السنه والشيعه)
أتعلّم الواوي على أكل الدجاج ( شوكت يعوفون الكراسي)
أكل ومرعى وقلة صنعه ( البرلمان والوزارات)
باب النجار مخلوع ( ناس تحجي بالدين ولا دين لهم)
تمخض الجبل فولد فارا ( صرفوا مليارات والكهرباء بالقطارة)
خراعه خضره ( رئيس الجمهورية )
درب الجلب علقصاب ( الاردن)
راح الاكو والماكو (العراق وثرواته)
راح دمه هدر (الشعب العراقي)
رزق الشباب ورا الباب (الاحزاب هيه الابواب لأن ماتشتغل الا بتزكية)
روحه بلا رده (انسحاب اي شخص من الحكومة)
شوفوني نجوم الضحى ( خطط امنية خمس نجوم)
اللي يشوف الموت يرضى بالصخونة (شطلعنه لغير بلاد لوما الوضع ؟)
زاد الطين بله ( كل مسؤول يصرح يزداد الوضع سوء)
عامي شامي ( رصاصات الجيش والشرطه)
شتحط الها حتى تطيب؟ (الوضعية)
شرادين بحلوك واويه (المتاحف العراقية)
شعره من جلد خنزير (الحصة التموينية)
شعيرك ولا حنطتهم (عدنه شعير ونستورد الحنطه من استراليا ابعد مكان)
شعيط معيط وجرار الخيط (يقررون مصير العراق)
شفت بعيني محد كلي (ابو غريب)
الركعه زغيره، والشك جبير (توحيد صفوف العراقيين)
شكينا الدف، وبطلنا الغنا (بعنا بيوتنا وسافرنه)
الشمس ماتتغطى بالغرابيل ( يطلعو دعايات - يمضون ونبقى)
شنو هل اللذة من هالفقر ( حواجز كونكريتية و فردي وزوجي)
شوفته حزن، وفراكه عيد ( السيطرات مال علاسه)
شافنا سود عباله هنود ( على ابو ديمقراطية وحرية)
صار تاليها انكس ( من اولها والحمد لله)
صانوط لاموط، (كلمن يحجي يموت)
الصبر مفتاح الفرج ( حتى المفتاح مولس)
صبرت ببطن امك تسعة أشهر ( مام جلال مجلب يريد ينفصل)
ضر...... وضايعه بسوك الصفافير ( حقوق العراقيين)
الطباخ ما ياكل من طبخه ( طبخولنا حياتنا وماضاكوها)
الطبيعة تغلب التطبع (كركوك عراقية)
طرطميس لا جمعه ولاخميس ( الجامعه العربية)
طماطه، ترهم على كل شي ( تغيير التشكيلة الحكومية مجرد مداورة الاسماء)
عادت المياه الى مجاريها (وكل المجاري طايفه)
علج المخبل ترس حلكه ( كل مسؤول شكد ح اط حماية)
عند البطون تعمى العيون (من يلغفون كلها تغمض)
غاب القط العب يا فار (والله دتلعب الجريدية)
فص ملح وذاب (عزة الدوري)
فوك حكه دكه (يخطفون وياخذون الفدية ويكتلون)
كل لشه متعلكه من كراعينها ( بلكي يسمعون الحكومة)
إللي ما إله أول ما إله تالي ( للي جوي من ايران)
الميعرف يركص يكول الكاع عوجه (تبرير سوء الاوضاع بوجود الارهاب)
ياكلون تمري ويضربوني بالنوه ( الاردن)
يشتري من عدّنا ثلح و يبيعلنا مّي بارد ( كل الدول المجاورة)
تالي الليل تسمع حس العياط ( الله يدري شظاميلنه بعد)
الجمعة 05 أكتوبر 2007, 5:29 am
