طبع الشمس~@~

موضوع: طبع الشمس~@~ الأربعاء 15 أغسطس 2007, 6:52 am

منذوره الشمس تمطر ضواها اسنين..
تضحك بالسمه او جانونها إموكد..

سر بيها الشمع حايل امكشف راس..
والدنيه ابحسنها اثياب تجدد..
عفاها اشكد صبرها.. اشكد هواها الكون
شالتّه إعله جفها او ما نخت احد..
هبّت بالصبح والفجر هم غباش..
رادت من طبعها الناس تتوحد
يلملمها الغروب.. اتبات يّم الليل..
خطار اويكحل عينها المرود
واتمشط شعرها والذهب خجلان..
عايزله جسد يضوي عليه مشهد
عمري امن الزغر مرهون للحلوات..
وجماله الشمس عشكت سمار الخد
حلمان النهر يشبك ضواها ابشوك..
او من طبع المحب يتباها وابلا حد
منذوره الشمس تمطر ضواها اسنين
تضحك بالسمه او جانونها اموكّد