وسفه تموت
وإلسانك إذاعه وشعرك
إمخلد !
حسافه نودّعك
يمدلل اومهيوب ..
يالبيك القوافي دروس
المهّند !
ميموت الشعر وياك
وإنته الكايله بديوانك
إمعكد !
تظل جلمات شعرك
كل وكت بكتاب ...
تتجسّد !
تحجي إويه العراقي
إتلقنه بدروس ...
تكله إسجد للوطن ووياك أتعبّد !
على نهج الولايه
صرختك تنذاع ...
يسمعّه الموالي شراعه
للمقصّد !
ماشفتك تنام
إمسهد اومرتاح ...
إلا ينام جارك وإنته
تتمدد !!
يبو عيون الترف
تتناغه للعشاك ...
تربي إويه اليحب الكاع
تتهجّد !
متموت القوافي
وياك ,هيّه آثارك ...
إبأيمان ماتركد !
نحفظه ونمدّه
أوزانه التنكال ...
رحيم إنته الجبته وبيك
تتمجّد !!
يظل بينه الشعر
وسلاحنّه بلسان ...
والثار النريدّه مابعد
يلبد !!
ويظل الوطن نغماتك
إلكل جيل ...
عصاته إعليه .....
يتوجّد !
رحيم إصواب جرحك
مايموت إبساع ...
إنته المالكي
الأرشد!!
نام إنته إبأمان
اوصيتك بكل بيت
تتردد !
أزفك للوطن
عريس بالتابوت ...
وإرتاح بلحد بترابه
تتوسد !!
للشاعر ابو احمد الحداد المسعودي
/
/
/
/
رحمك الله يارحيم...
(`'•.¸(` '•. ¸ * ¸.•'´)¸.•'´)
« ´¨`.¸.* أمـانـاً يـاعـراق *. ¸.´¨`»
(¸. •'´(¸.•'´ * `'•.¸)`'•.¸ )