اذكر مرة سافرنة للشمال ورة سقوط النظام مباشرة بحوالي تقريبا 6 اشهر
اتعرفون انه هناك عند الاكراد نسوانهم ميلبسن عبي اكو سفور واكو حجاب وسط وكلشي اكو، بس العجايز يلبسن عبي يعني ظاهرة العبي هناك كللللللش غريبة ونشاز.
واحنة تعرفون منا من الكوفة ونسوان ويانة ولابسات عبي وين منروح نكون محط انظار العيون والابصار. (شخصيات مهمة يعني )
وجان ياهو اللي يسالنة ايكول انتو لو من النجف لو كربلة ؟
المهم ما اطولكم بالسالفة
اجة واحد وسالنة بالطريق من شقلاوة لعقرة تقريبا هو ولد عمره 15 سنة او اكثر شافنة لوحة فنية غريبة بصراحة كال انتو منين ؟؟!
فاني ردت اتفيك براسه شوية اريد اشوفه يعرف لا؟
فجاوبته وكتله : احنة من وسط العراق احنة من مدينة الامام علي بن ابي طالب
كال :ها الامام علي
كتله: اي الامام علي
كال:بس كاكة مسعود احسن
هههههههههه
ارجو ان ينال هذا الموقف رضاكم
الأربعاء 25 يوليو 2007, 7:45 pm
